گرمی میں دودھ خراب ہونے سے بچانے کے دیسی نسخے

گرمیوں کے موسم میں دودھ جلد خراب ہو جانا ایک عام مسئلہ ہے، خاص طور پر ان گھروں میں جہاں فریج کم استعمال ہوتی ہے یا بجلی کی فراہمی مسلسل نہیں ہوتی۔ لیکن ہمارے دیسی ٹوٹکوں میں ایسے کئی آزمودہ طریقے موجود ہیں جن سے دودھ کو بغیر فریج کے بھی محفوظ رکھا جا سکتا ہے۔

1. دودھ کو ابالنے کا خاص طریقہ:

دودھ کو اچھی طرح ابالیں اور کم از کم 5 منٹ تک اُبالتے رہیں تاکہ تمام جراثیم مر جائیں۔ اس کے بعد دودھ کو فوراً ٹھنڈی جگہ پر رکھیں۔

2. دودھ میں لونگ شامل کریں:

ابالنے کے دوران یا بعد میں دودھ میں 2 عدد لونگ ڈال دیں۔ لونگ ایک قدرتی جراثیم کش ہے جو دودھ کو خراب ہونے سے بچاتی ہے۔

. تانبے یا مٹی کے برتن کا استعمال:

دودھ کو تانبے یا مٹی کے برتن میں رکھنا اس کی تازگی کو دیر تک قائم رکھتا ہے۔ خاص طور پر رات کے وقت یہ طریقہ فائدہ مند ہے۔

4. برتن کو گیلا کپڑا لپیٹ دیں:

دودھ کے برتن کو ایک گیلے سوتی کپڑے میں لپیٹ کر کسی ٹھنڈی جگہ پر رکھیں۔ یہ قدرتی طریقہ دودھ کو کچھ گھنٹے زیادہ محفوظ رکھتا ہے۔

5. چھاؤں میں رکھیں، دھوپ سے بچائیں:

دودھ کو کبھی بھی دھوپ میں نہ رکھیں۔ ہمیشہ سایہ دار اور ٹھنڈی جگہ کا انتخاب کریں۔

یہ تمام نسخے نہ صرف آزمودہ ہیں بلکہ سادہ اور سستے بھی ہیں۔ دیسی عقل ہی اکثر جدید مسائل کا آسان حل دیتی ہے۔

فر حان اجملی

farhan-totkay.blogspot.com